Մխիթար Սեբաստացու օրեր. կրթահամալիրի տոն
Մասնակիցներ-3-րդ դասարանի սովորողներ, ծնողներ, ուսուցիչներ
Ժամանակահատվածը՝ Նոյեմբերի 1-21
Խնդիրներ․
- հարցազրույց վարելու կարողության զարգացում /նյութի վերաբերյալ հարցեր կազմել/։
- բանավոր խոսքի զարգացում
- սեփական կարծիքը արտահայտելու կարողության զարգացում
- մաթեմատիկական հմտությունների զարգացում
- ստեղծագործական երևակայության զարգացում
- մեդիահմտությունների զարգացում
- բնագիտական, տեխնոլոգիական հմտությունների զարգացում։
Նախագծի իրականացման ընթացքը․
Մայրենի- հարցազրույց վերցնել, նյութեր պատրաստել հետևյալ թեմաներով․
- Ո՞վ է Մխիթար Սեբաստացին:
- Ինչպես որոշեցի Սեբաստացի դառնալ:
- Շնորհավորանքներ:
- Ես Սեբաստացի եմ:
- Քանի՞ սեբաստացի կա իմ ընտանիքում:
- Ես սեբաստացի ուսուցիչ եմ:
- Սեբաստացիական ցուցահանդես:
- Սեբաստացիական թաքնված տեսախցիկ (ավարտը ցուցահանդեսով):
- Սեբաստացիական խոհանոց:
- Խորհրդանիշ կենդանի…
Սոցհարցման ընթացքում զարգանում է սովորողների ոչ միայն բանավոր խոսքը, այլև
մաթեմատիկական հմտությունները․
- Հաշվել, թե յուրաքանչյուր ընտանիքում քանի սեբաստացի կա:
- Որ սեբաստացին, որ թվականին է ծնվել:
- Որոշել, թե դասարանում ով է ամենամեծ /ամենափոքր սեբաստացին/։
- Գրանցել դասարանի ապագա սեբաստացիներին (քույրերին և եղբայրներին, ովքեր դեռ կրթահամալիրի սան չեն)։
Կրթահամալիրի տոնին մենք ունենք շատ համեղ ու հետաքրքիր ծես՝ թթուդրիկ։
Թթուդրիկ
Թթուդրիկը այն ծեսերից է , որտեղ կարելի է ներառել բոլոր առարկաները թե՛ մայրենի, թե՛ մաթեմատիկա,թե՛ բնագիտություն,թե՛ թատրոն, թե՛տեխնոլոգիա և օտար լեզու:
Մայրենի
Ամեն մի սովորող ընտրում է իր սիրած բանջարեղենը, word-ի էջ է բաց անում , փոքրիկ պատում է հորինում և մուտքագրում:
Այդ բանջարեղենի մասին հանելուկներ, շուտասելուկներ է հորինում։
Վերջացնելուց հետո,պահպանում են իրենց աշխատանքը, ուղարկում են իմ էլ. հասցեին, ես դրանք հավաքում եմ և ստեղծում եմ համեղ, բանջարեղենային ընթերցարան կամ տեղադրում Հիմնական դպրոցի ենթակայքում:
Տնային առաջադրանք
Սովորողներին հանձնարարում եմ տեղեկություններ փնտրել որևէ բանջարեղենի մասին /որտեղ է աճում, որ եղանակին, ինչ օգտակար հատկություններ ունի և այլն/:
Այս աշխատանքը նպաստում է սովորողների մայրենի լեզվի մշակմանը: Նրանք գտնում են տեղեկությունը, կարդում, եղած տեղեկատվությունից ընտրում են իրենց պետք եղածը, խմբագրում են և ստեղծում են մեկ ամբողջական աշխատանք: Նրանց մոտ զարգանում է որոնողական կայքերից և ծրագրերից օգտվելու կարողությունը, խմբով աշխատելու, համագործակցելու,մեկը մյուսին օգնելու,սովորեցնելու կարողությունը:
Մաթեմատիկական գիտելիքները կզարգանան նաև թթուդրիկի գնումներ կատարելիս․
- նախապես գնումների ցուցակ կազմել/որոշեն, թե որ բանջարեղենից քանի հատ, կամ կիլոգրամ պետք է գնել/, համակարգչի word ծրագրի մեջ կկազմեն գնումների ցուցակը
- հաշվեն, թե որքան գումար է հարկավոր գնումներ համար
- տարբեր խնդիրներ հորինել, լուծել / ստեղծագործական երևակայության զարգացում, մաթեմատիկական հմտությունների զարգացում/։
Բնագիտատեխնոլոգիական հմտությունների զարգացում
Խոհանոցային գործունեության ընթացքում․
- բանջարեղենից տարբեր կերպարներ պատրաստել, անուններ դնել, պատմություններ հորինել։
- Համացանցից տեղեկություններ փնտրել բանջարեղենի մասին
- բնագիտական փորձեր կատարել / ջուր, նրա հատկությունները, ձվով փորձեր/
- Թթու ենք դնում
- Համեղ և հետաքրքիր ուտեստներ պատրաստել ցուցահանդեսի համար:
Մեդիահմտություններ
Սովորողները աշխատում են համակարգչի paint նկարչական ծրագրով,
word ծրագրով, համացանցում բանջարեղենի մասին որոնողական աշխատանքներ են կատարում։