Ըստ <<Մխիթար Սեբաստացի>> կրթահամալիրի ուսումնական պլանի սահմանված կարգի ուսումնական ճամփորդությունները սովորողների ուսումնական գործունեության բաղկացուցիչն են: Սովորողի մասնակցությունն այդ ճամփորդություններին պարտադիր է:
Տվյալ նախագիծը ներառված է «ԵՍ» ուսումնական նախագծի մեջ:
Այս տարի հաղթահարելու ենք Թեղենիսի բարձունքը:
Նպատակը՝
- Հայրանաճանաչողություն ուսումնական ճամփորդության միջոցով:
- Սովորողների ուսման կազմակերպում ճամփորդության միջոցով:
Խնդիրները
- Գործունեության նախատեսում և իրականացում
- Որևէ գործունեության նախապատրաստվելու հմտության զարգացում
- Տեղեկատվության փնտրտուք
- Ձեռք բերած տեղեկությունները համադրելու, համեմատելու, դրանց մասին տեղեկատվություն պատրաստելու և ներկայացնելու կարողությունների զարգացում
- Թիմով ընդհանուր խնդիրներ լուծելու, խմբով աշխատելու կարողությունների զարգացում
- Ընտանիքին ներառել դպրոցական կրթությանը, մասնակից դարձնել ուսումնական գործընթացին
- Սովորողների ֆիզիկական զարգացում
- Շրջակա միջավայրի ուսումնասիրում, ճանաչում, մշակում: ճանաչողություն
Նախագծի իրականացման նկարագրություն
Սովորողները՝
- Միասին ընտրում են բարձունքը
- Տեղեկություններ են հավաքում տվյալ բարձունքի մասին
- Հաշվարկներ են կատարում
- Աշխատանքի բաժանում են կատարում
- Մշակում են կանոնները
- Տեղում հանրօգուտ աշխատանք են իրականացում
- Տեղեկություններ ճանապարհի մասին՝ տևողությունը, կանգառները, հանդիպող բնակավայրերը
- Հանդիպած հետաքրքիր մարդիկ, տեսարաններ, ժամանակը, կանգառները
Աշխատանքի ընթացքը՝
Ճանապարհորդության հայտը լրացվել է սովորողների հետ միասին: Մինչ ճամփորդությունը յուրաքանչյուր սովորող պետք է իմանա իր դերն ու նշանակությունը` ինչի համար է պատասխանատու, որն է իր անելիքը ճամփորդության ընթացքում: Սովորողներն ըստ նախասիրությունների բաժանվում են խմբերի: Օրինակ` սանիտարների խումբը, որն իր հետ կունենա անհրաժեշտ բժշկական պարագաներ և անհրաժեշտության դեպքում կօգնի վնասված կամ հիվանդ երեխային:
Մաթեմատիկների խումբը կհաշվարկի ճամփորդության ծախսերը, վարորդի օգնությամբ կգրանցի ճանապարհի երկարությունը, որքան ժամանակում կհասնենք նշված վայրը, կփորձենք քայլերով հաշվել բարձունքի բարձրությունը:
Սննդի պատասխանատուները կկազմեն սննդի ցուցակը, կհաշվեն սննդի ծախսերը, կպատրաստեն բուտերբրոտները և հոգ կտանեն որպեսզի բոլորը սնվեն:
Լրագրողների խումբը պետք է ներկայանա ՏՀՏ միջոցներով: Տեսախցիկ, ֆոտոխցիկ, ձայնագրիչ` կայքի նյութը, ֆոտոշարքը կամ ֆիլմը պատրաստելու համար:
Կարող է լինել բնագետների խումբ: Այդ խումբը կարող է կազմակերպել տեղանքի մաքրումը , հանրօգուտ աշխատանքը, ձեռք բերել բույսերի, տերևների, քարերի տեսակներ:Դասարանում քննարկելու, ծանոթանալու և ձեռարվեստին որպես նյութ օգտագործելու համար:
Ակնկալվող արդյունքները՝
- Ծանոթանում են տեղանքին
- Հավաքում են տեղեկություններ, պատմում և գրում են իրենց տեսածի և լսածի մասին, զարգանում է բանավոր խոսքը
- Կատարում են չափումներ և հաշվարկներ, ձեռք են բերում մաթեմատիկական գիտելիքներ
- ՏՀՏ հմտություններ` պրոզենտացիաների պատրաստում, ֆոտոխցիկի, ձայնագրիչի կիրառում, ֆոտոշարքի և անհատական ֆիլմերի ստեղծում
Նախագծի ամփոփում
Ճամփորդության հայտը՝
Նախապես սովորողները համացանցում ինֆորմացիա են հավաքել տեղանքի մասին և պրեզենտացիաներ պատրաստել.
Դասվարի հաշվետու ֆիլմը՝
Սովորողների նյութը՝